Хойдын Ц. Долгормаа

 ТНГР-ийн бөө эзэн эрхийн тухай 1-р хэсэг

ТНГР-ИЙН БӨӨ ЭЗЭН ЭРХИЙН ТУХАЙ
ҮНДЭСНИЙ АЛТАН ДЭЭД ГЭРЭЭ

1-р хэсэг

... ТНГР-ийн бөө эзэн эрхийн тухай үндэсний дээд гэрээ бүлгийг миний бие өөрийн чадлаар тайлбарлан та бүхэнд хүргэхээр оролдлоо.
Юуны түрүүнд гарчигнаас эхлэхгүй бол юун тухай яригдаад байгааг мэдэхгүйд хүрэх тул энд 3 гол утга байгааг өөрийнхөөрөө тайлбарлан хүргэе. Эхлээд ТНГР-ийн бөө гэдэг  нэг утга бий бөгөөд үүний дараа эзэн эрх, тэгээд үндэсний дээд алтан гэрээ гэж ойлгох хэрэгтэй болно.
Энэ эхний хэсэгтээ ТНГР түүний тухай тайлбарлахыг хичээе.

ТНГР  гэдэг ойлголтыг хамгийн эхний 3 мөртөд маш тодорхой тайлбарласан байна. Энд дурдагдаж байгаа ТНГР гэдэг ойлголт бол:

- Төрөл бүлийн амин -эхт хамтын хариуцлагат нүүдлийн соёлт Моногоуул ухамсараар
Мянган хүнсч, Огоуул зөнч  таван байдлаар тухлагч үндэсний  алтан дээд гэрээт
Гэгээрлийн ундрагат удамшил зөв дэмч күэн боловсролт тархины үйлс ТНГР билээ гэжээ.
Үүнээс ТНГР гэдэг нь хамгийн түрүүнд тархины үйлс гэдгийг ойлгох хэрэгтэй .

Тархины үйлс гэдэг одоогийн биднийхээр оюуны хөдөлмөр гэж нэрлэгдэж заншсан тэр гоц сэтгэхүйт шинийг нээгч эрдэмтэн мэргэдийн оюунаа чилээн олж нээсэн, туурвисан бүтээл гэж ойлгогдож байна.  Энгийн жишээ дурдахад шүлэг найраг бичигч, хөгжим зохиогч  хүмүүсийн бүтээл нь оюуны хөдөлмөр мөн бөгөөд тэд энэхүү бүтээлээ онгод орсон үедээ бүтээдэг гэж тайлбарладаг нь онгод гэдэг зүйл энд хэрхэн нөлөөлдөгийг бид ухамсаргүйгээр мэдрэх дадалтай холбоотой билээ. 

Эндээс тархины үйлст онгод нөлөөлдөг гэдгийг мэдэж болох юм. Монгол гэлтгүй, зөвхөн урлаг гэлтгүй гадаад орны эрдэмтэд хүртэл энэ талаар бичиж тэмдэглэсэн байдаг бөгөөд алдарт зохион бүтээгч ЭНШТЭЙНИЙ ЭВРИКА гэдэг үгээр гадаадынхан үүнийг төсөөлдөг. Тэгэхээр энэхүү тархины үйлсийг үйлдэгч үйлийн эзэн гэж байх ба тэрхүү үйлийн эзэн онгод орсоноор энэхүү үйлийг хийдэг ажээ. Харин энэ үйлийн эзэн нь ямар хүн болохыг эхний 3 мөрд тайлбарласан байна.

Үйлийн эзэн:  
Төрөл бүлийн амин -эхт хамтын хариуцлагат – энд тэрхүү үйлийн эзэн хүн олон нийтийн өмнө хүлээсэн хариуцлагатай гэж орчин цагийнхаар ойлгогдоно. Олон нийтийн өмнө хариуцлага хүлээх гэдгийг хийсэн үйлэндээ эзэн болох алдаа оноогоо хүлээж, үнэлж дүгнэх чадвар гэж ерөнхийдөө ойлгоход болох байх. 

Нүүдлийн соёлт - энэ үгээр энэ тархины үйлийг үйлдэх аргыг заасан бөгөөд өөрөөр хэлбэл бидний нэрлэж заншсан онгод орох буюу Эврика-н тайлбар болох юм. Нүүдлийн соёлт гэдэг үгийг зөвхөн малаа дагаж нүүх гэж ойлговол учир дутагдалтай бөгөөд энэ үгийн цар  хүрээг нь хялбараар тайлбарлавал шатар тоглох-д байдаг нүүх гэдэг үгийг ойлгох хэрэгтэй болно. 64 буудал дээр юугаар хаашаа яаж нүүвэл, аль замаар явахад эсрэг талаа маданд оруулах вэ гэдгийг тооцоолохыг нүүх гэнэ. Эндээс нүүх, нүүдэл гэдэг үг бол тэр чигтэй маш нарийн тооцоолох чадвар буюу боловсорлын нэг зэрэг гэж ойлгож болно. 

Энэхүү зэрэгт хүрэхийн тулд тухайн үйлэндээ нэвтэрхий болох буюу соёлыг эзэмших хэрэгтэй. Моногоуул ухамсараар – энд уугуул ухамсар буюу Моныг голлогч анхдагч ухамсар гэх үг гарч ирнэ. Моныг голлогч анхдагч ухамсар бол та бүхний мэдэж байгаагаар хүний амьтнаас ялгагдах тэр дадал чадвар бөгөөд энэхүү ухамсараар амьдарч бусдаас илүү байж, хүчирхэг явсан өвөг дээдэс билээ.  Ер нь уугуул ухамсар бол хүнийг анх төрхөд байгалиас заяасан тэр онцгой давуу талыг эдлүүлэгч гол хүч бөгөөд бид үүнийг сүнс гэж нэрлэж заншжээ. Хүн төрөхдөө сүнстэй байдаг, тэр сүнсний чадвар ямар байхаас тухайн хүний цаашдын амьдрал шалтгаална. Гэхдээ сүнсийг бас хөгжүүлж болдог бөгөөд үүнийг буддын шашинд хүлцэнгүй байх, бясалгал хийх, гэгээрэлд хүрэх, христийн шашинд итгэлтэй байдал, үнэнч дагалдагч гэх зэргээр илэрхийлж үүнийгээ даган дуурайж хэвшихийг тулган шаардах бөгөөд шагнал нь диваажинд очих гэж номлоно.  

Мянган хүнсч- Харин манай өвөг дээдэс энэхүү сүнс буюу Моныг голлогч уугуул ухамсарыг хэрхэн хөгжүүлэхийг ингэж сургажээ. Тухайн хүн төрөхөөс үхэх хүртэлх хүнсний хэрэглээ буюу идэхийг шүтэх бус тархины үйлийг үйлдэх чадвартай хүн болохын тулд хүнсийг зөв зохистой хэрэглэхийг заасан. Нэг ёсондоо буддын ёсоор сүнсээ гэгээрэлд хүргэх гэж хүртдэг цагаан хоол нь хангалтгүй бөгөөд сүнс буюу моныг голлогч уугуул ухамсарыг тэтгэхийн тулд махан биеийн хүч чадал хангалттай байх хэрэгтэйгээс гадна тархины үйл ажиллагааг дэмжих хоол хүнсийг хослуулан хэрэглэх тухай заасан байна. 

Хүнсний тухай манайхан олон тайлбар хийсэн тул нуршилгүй үлдээлээ. ОГОУУЛ ЗӨНч –уугуул зөн буюу хүний сүнсний анхны чадварыг энд өгүүлжээ. Энэ нь хүн төрөхдөө авч босдог сүнс нь тодорхой хэмжээний өөрийн шид чадалтай байдаг бөгөөд бид зөн билэг гэж ярьж хэвшсэн билээ. Зөн билгээ хөгжүүлж чадсанаар далдыг хардаг, мэргэ төлөг тавьдаг, илдэг эдгээдэг хүмүүсийн эрдэм чадал илэрдэг бөгөөд уугуул зөн хүн бүрт төрөхөөс заяасан эрдэм юм. Таван байдлаар тухлагч- энэхүү тухлах тухай ойлголтыг зөвхөн гэрийн эсвэл хувь хүний талаар хамааруулан үзэж болохгүй юм. Тухлах гэдэг үг өөрөө бүрдэл зүйн хувьд дараах утгыг илэрхийлдэг байна. 

Үүнд: -  Тухайн хүн өөртөө сэтгэл хангалуун байх
-  Орон гэрийн амьдрал тохьтой сайхан байх
-  Олон түмэндээ нэр хүндтэй байх
-  Ажил үйл өөдрөг бүтэмжтэй байх
- Насны эцэст харамсан санаа зовох зүйлгүй жарган суух зэрэг болно. 

 Энэ бүхэн бүрдэхэд тухайн хүн тухлах бөгөөд үүнийг Хааны айлдсан "Биеэ засаад гэрээ зас, гэрээ засаад төрөө зас" "Морин дэл дээр ертөнцийг эзлэх амархан ч мориноос буугаад улсыг засах хэцүү" гэдэг үг шууд утгаар нь илэрхийлэх юм. Бие болон гэрээ, төрөө засах тухай бид зөндөө л ярьдаг тул 4 дэх тухын талаар тайлбарлая. Ертөнцийг эзлэх буюу ажил үйл өөдрөг бүтэмжтэй байснаар тухайн хүн өөрийн эрдэм чадлаа олонд дуурсгах бөгөөд энэ нь нэг тухтай болгох ба хүсэхэд хясал гэгчээр хичнээн сайн хүн байлаа ч байнга зөв үйл хийж, тэр нь бүтэмжтэй байдаггүй. Гэхдээ төвшин сайхан ноён нуруутай амьдарч, насан өндөр болоод өөрийн төвхнүүлсэн амьдарлын үр шимээс тав тухыг хүртэх нь хамгийн хэцүү зүйл болно. Гэхдээ хүн бүр өөртөө ертөнц гэж сэтгээд хичээвэл тухын тухай ойлголт арай хялбар болох юм. Үүнийг таван байдлаар тухлах  гэж ойлгох хэрэгтэй.

7. Үндэсний  Алтан Дээд Гэр ИЭт – энд тухайн үйлийн эзний дагаж мөрдөх зам мөрийг заасан бөгөөд үндэстний алтан дээд гэрээг ёсчлон дагагч хүн гэж ойлгож болно.

8.Гэгээрлийн ундрагат- энд тухайн үйлийг үйлдэгч эзний орчин цагаар манлайлагч байдлыг илэрхийлсэн бөгөөд өөрийн чадсан сурсан зүйлээ бусаддаа зааж, сүнс буюу моныг голлогч уугуул зөнг сэргээн өгч, бусдад тусалдаг гэсэн утгатай болно. 

9. Удамшил зөв дэмч күэн боловсролт-за энд үйлийн эзний биологийн ба физилогийн харагдах байдал, мөн чанарынх нь тухай өгүүлжээ. Өөрөөр хэлбэл цус ойртох, удамшилын ямар нэгэн гажиггүй, өвчин эмгэггүй эрүүл саруул, физилогийн хувьд бусдад сайнаар нөлөөлөх энергитэй, хүн чанартай гэж ойлгогдоно.

Ингээд ТНГР буюу тархины үйлийг:
Олон нийтийн өмнө хариуцлага хүлээх чадвартай, тухайн үйлэндээ нэвтэрсэн сүнсний хөгжил өндөр /нэг ёсондоо гэгээрсэн/ зөв зохистой хэрэглээтэй, төрөлхийн эрдэм чадалтай /индиго хүүхдүүд шиг/, бие болон гэрээ засаж төрдөө зүтгэсэн, ард олондоо нэр хүндтэй, насны эцэст үр хойчис нь бахархан дуурайх үлгэртэй, зөв зам мөрөөр замнасан, бусдад зааж сургах эрдэмтэй, эрүүл саруул, зөв энергитэй, хүний мөс сайтай хүн тархины үйл буюу ТНГР-ийг үйлддэг байна.

ТНГР буюу тархины үйл гэдэг нь дээр миний дурдсанчилан тэр гоц сэтгэхүйт шинийг нээгч эрдэмтэн мэргэдийн оюунаа чилээн олж нээсэн, туурвисан бүтээл болно. Энэхүү бүтээлийн шинж чанар нь сударт дурдсанаар:

ТНГР болвоос Эзэн Эрх , угтаж мэдэхүй , тосож бэлтгэхүй , тэсэж магад гарахуи билээ гэжээ.

Тэгэхээр ТНГР буюу тархины үйлийг 1-р шинж чанар нь эрхтэй байдал бөгөөд одоогийнхоор оюуны өмч гэдэг шиг:
Эртний буган бичгийн сэтгэхүйт, Оройн Дээд ГЭР ИЭ-т, БӨӨ гэгээн тархи нь Эрх билээ. Үүнээс  харахад эрх гэдэг нь Эртний буган бичгийн сэтгэхүйт- буюу уламжлал заншил дээр суурилсан урт удаан судалгаа шинжилгээний дүнд учир явдлыг тайлан мэдэх чадварыг олгосон  Оройн Дээд ГЭР ИЭ-т буюу зөв зам мөрийг заах, БӨӨ гэгээн тархи- бүхий байдал нь эрх гэж ойлгогдоно /Бөө гэгээн тархины талаар бусад судлаачид олонтой тайлбарласан тул дахин нурших нь илүүц боловуу/. Нэг ёсондоо тархины  үйлдэлийг илэрхийлэх зөв хэм хэмжээ юм.

2-р шинж чанар нь Бүтээл буюу ТНГР тархины үйлийг бусдад зааж сургах багш дамжуулдаг байж. Үүнийг: 

БӨӨ гэгээн Эзэн Эрхийг түм ЭН-д түгээгч удамшилт ДЭМ-ч болвоос КАУМ бөгөөд_багш гэснээс харахад эрхтэй эзэн буюу дэмч хүнээр дамжуулан олон түмэнд түгээдэг байжээ. Энэхүү эрхийг эзэмшигч дэмч нь тусдаа бэлтгэгдсэн байх ба эрүүл саруул, физилогийн хувьд бусдад сайнаар нөлөөлөх энергитэй, хүн чанартай КАУМ бөгөөд_багш гэж нэрлэгддэг байсан байна. Биднийхээр оюуны өмчийн патент эзэмшигч юм уу даа. Гэхдээ тухайн хүн патентаа ганцаараа хав дараад суух биш бусдад зааж сургадаг байжээ.

Мөн тухайн багшийн дамжуулж байгаа бүтээл буюу тархины үйлийг

2. БӨӨ ИЭ ЭН ГҮН тархийг буман жил түгээсэн буган бичигт КАУМ багш Эзэн Эрхтэй
Гэснээс харахад багш болох хүний эзэмшсэн эрдэм /патент / нь буман жилийн туршид уламжлагдан өвлөгдөж ирсэн бөгөөд улам сайжруулан түгээж байжээ. Тэрхүү түгээж байсан ТНГР буюу тархины үйлийг БӨӨ ИЭ ЭН ГҮН гэж нэрлэдэг байж. Энгүн буюу биднийхээр энгүй их гэдэг үг нь хязгааргүй үргэлжилэх үл тасрах хэлхээ, утга төгөлдөр төгс байдал  гэж ойлгогдоно. Үүнээс /патент/ эрх бүхий тархины үйл бол үе уламжилсан мэдлэг дээр суурилж улам боловсронгуй болгосон тусгай мэргэжсэн хүнээр дамжуулан олон түмэнд хүрдэг төгс төгөлдөр, үл тасрах оюуны үйлийн нэр болно.

3. Үндэсний Алтан Дээд ГЭР ИЭ-ийг удирдах анхны танхим ЧИН ЧУ Эл ЭН -ийг байгуулсан
Энэхүү мөрнөөс дэмч буюу манлайлагч патентийг уламжлан авч олон түмэнд хүргэх багшийг бэлтгэх  боловсорлын байгууллага буюу мэргэжсэн боловсон хүчин бэлтгэх газрыг ЧИН ЧУ Эл ЭН гэдэг байсан бөгөөд одооны их сургуулийн доктрантур гэж төсөөлье. Харин энэ газрыг анх удаа танхимын хэлбэрт оруулсан хүн бол

4. ИЭ ЭКЭ Эзэн ЧИНГИС КААН болвоос ИЭ ЭКЭ МОНОГОУУЛ Улсын ТНГР-ийн Эзэн Эрх
Их Эзэн Хаан бөгөөд өөрөө энэхүү патентийг эзэмшигч байсан ба  улам боловсронгуй болгон олон түмэнд хүртээх ажилыг санаачлан эхлүүлсэн гэдгийг ойлгож  болно. Энэхүү патент,  Бүтээл буюу ТНГР тархины үйл нь дараах мөрнөөс харахад

ИЭ ЭКЭ МОНОГОУУЛ ГҮР ЭН УлС болвоос КҮ ЭН долоон биетэй, БӨӨ гэгээн тархитай Үндэсний Алтан Дээд ГЭР ИЭ-т Ардтүм ЭН, АКОК зантай. Гэгээрлийн ундрага ЗАСАГ-тай БӨӨ эзэн Эрхтэй, МОНОГОУУЛ Ир ГҮН нарын АИЛ түм ЭН Улсын Ардуудын ТӨР-тэй Эрх нь ТНГР-ийн Эзэн, зорилго нь төвшин сайхан, үйлс нь таван тух байдаг Байжээ:

Одоочилбол: Бөө гэгээн тархитай, хүн чанарын 7 төлөв хэвшсэн, зөв замналаар ард түмнээ дагуулдаг, гайхалтай найрсаг ард түмэнтэй, засаг буюу хууль нь олон түмний сайн сайхны төлөө, энэхүү тусгай патентыг эзэмших эрхтэй эзэнтэй,  ард иргэн айл өрх бүрт таван тух бүрдсэн сайхан үйлстэй, хэтийн зорлиготой ард олноороо амар жаргалтай Агуу Их Монгол Гүрэн Улс болно.

Энэ сайхан улсыг хэрхэн байгуулах талаар өвөг дээдсээс уламжлан мэргэн оюунаараа тунгааж гаргасан тархины үйл буюу бүтээлийг /ТНГР/ тусгай боловсорсон эрх бүхий этгээд болох ЭЗЭН ЧИНГИС хаанаар уламжлуулан ард олондоо анхны танхимын сургалтаар дамжуулан олон түмнийхээ моныг голлогч уугуул сүнсийг тэтгэж багш нараар дамжуулан сургаж байжээ гэж тайлж болно. Энэ нь бүх ертөнцийн хувьд одоог хүртэл зорьж мөрөөдөж байгаа Хүмүүнлэг ардчилсан төрт улс ажээ.

2-р хэсэгт Хүний эрхийг эдлэхүй ба хүн байх тухай тайлбарлахыг оролдоно.

Та бүхнийг хүндэтгэж,

Хойдын Ц. Долгормаа

АЯНГАТ: 

Австрали тивд аялан эзгүй байсаар ирэхэд өргөөнийхөнөөс маань олон захидал иржээ. Нэг нь их хөөрхөн Бид өргөө гэрээ ОНЦ харж байсан шүү гэнээ хахахаха. Тэд маань маш олон зүйлийг санаачлан хийж маш идэвхитэй ажиллан байсанд үнэхээр их талархлаа. Тэдний маань нэг хойдын Долгормаа гэх бүсгүйг та бүхэн сайн таньдаг болсон бизээ. Анх Тийрэн болон чөтгөрийн тухай харснаа хэрхэн тэмцэх тухай бас Нострадамусын центурыг Монгол хэлэнд буулган та бүхэнд хүргэсэн шүү дээ. Энэ удаа түүний тайлбарласан Сорхагтани хатны судрын хэсгээс та бүхэнд толилуулж байна. Үүн шиг л одоо байгаа үйл явдал орчин цагтайгаа холбон Амьтайгаар тайлбарлан ойлгох хэрэгтэй. 

Алтан Сударт бичигдсэн бүхэн яг л амьдралд бодитоор биелэж байж Монгол улс сэргэн мандах болно. Үржихийн хүрдээр үржүүлэгдэн Үр дүнгээ өгөх КҮ сургалт бол Бөө Гэгээн Тархины залгамж халаа улаачид нь Тэнгэртэйгээ холбогдсон Монголчуудын оюун, бие, хүсэл, чадлын сургалт тэдний ажлын ҮР ДҮНгээр хэмжигдэнэ. Үр дүн гэдгийг ХЭМ гэж ухан ойлгох хэрэгтэй.

Энд мөн зориуд нэг юм анхааруулах хэрэгтэй байна. Өргөөнийхөн болон бусад МОНГОЛЧУУДДАА.

Надад лав арваад хүн би ерөөсөө энэ сургуулиа хаялаа. Очиж Тэнгэрийн үйлээ хийж түмэн олондоо туслан буянаа хийе гэж билээ. Тэд бүгд улаачид юм. Тэд бүгд гадаад орнуудад төрөл бүрийн мэрэгжлийн чиглэлээр боловсрол эзэмших, мастер доктор хамгаалж буй хүмүүс ч Тэнгэрийн тамгатай улаач нараар тодорчээ.

Тэгэхээр Тэнгэрийн үйл гэдгийг хэнгэрэг бариад л уул ус тахиад, хүн амьтны зовлонтой хутгалдаад, дайсан Хар Сүнстэй л тулалддаг ажил гэж өрөөсгөл ойлгож болохгүй ээ.

ХҮЛЭГ МОРИНОООС БУУЛГҮЙ

ХӨРСТИЙГ ДАГУУЛАХ ТҮВЭГ ҮГҮЙ

ХҮЛЭГ МОРИНООС БУУН СААТАЖ

ТӨР УЛСАА ТӨВХНҮҮЛЭХ БЭРХ

хэмээх Эзэн Богдын сургаалыг маш чандлан бодож учрыг ойлгоосой гэж хүсч байна.

Мэдээж бидэнтэй Эзэн Богдын андууд эрхэм алдарт Баатруудын улаач нар ирж нэгдэн, эрдэм үйлдээ шамдан суралцаж байгаа бөгөөд бид Хар муу Сүнснүүдтэй хайр найргүй тулалдах л болно. Тулалдаж ч байгаа. Мөн олон олон Монголчууд маань сэхээрч эхлэн Сүнс мөн чанарын тухайд Гэгээрэхээр зүтгэн өөр өөрийн бие, гэр бүлээ Хар Сүнснүүдээс хамгаалах аргад суралцан шамдаж Гэрлийн дайчид болохоор тэмүүлж байна. Цаг хугацаа өнгөрөх тусам л хүн бүр үнэхээр ойлгон Далд ертөнцийн дэргэд өт хорхой ч бишээ ойлгон бууж өгч биеэ эмнүүлэхээр гуйх л болно доо. 

Тэд тариа тариулаад ч эдгэхгүй, өөрсдөө харахгүй үзэхгүй мэдэхгүй юм чинь яахав дээ. Хүссэн хүсээгүй хүн гээч ямар өчүүхэн амьтан ч биш өөрөө ямар тэнэг байснаа ойлгон бахирцгаах болно.

Мэдээж Хар Сүнснүүдтэй үзэлцсээр, бүгд харж ойлгосоор Гэгээрэх үед цааш хэрхэн амьдрах вэ яах вэ гэдэг нь асуудал болно. Эргээд хүн төрөлхтөн агуйд амьдрах уу, зүүнийхэн шиг улсаас л тэжээлгээд бэлэнчлээд байх уу, нийгмийн хамгаалал нэрийн дор улсаараа өр тавиад, өөрийн баялагаа зараад байх уу? капиталистууд шиг зөвхөн мөнгөтэй нь амьдрахаар явах уу хэрхэн яаж амьдрах вэ гээд шинэ сонголт дээр ирээд байна. Эндээс яаж гарах гарц байгааг одоо үеийнхэн шийднэ дээ. Монголчууд өөрсдөө бодлогоо боловсруулан шинэ гарцыг дэлхийд таниулах болно.

ГЭГЭЭРЛЭЭС ГЭГЭЭРЭЛ РҮҮ ЗОРИГДДОГ МОНГОЛ УЛС гэдэг үгийн утга учрыг огт мартаж болохгүй. 

Тэгэхээр гадаадад сурдаг энэ хүмүүс маань ирээдүйн Монголчуудын бахархал, удирдагчид, шинийг хийгчид УЛС ОРНОО ЗӨВ ЗАМД ХӨТЛДӨГЧИД мэдлэгтэнгүүд байх ёстой.

Тэдэнд бусдаас давуу тал их байна.

Орчин цагийн хөгжлийн дэвшилттэй гэх бүгдийг суралцан байна. Үүнийгээ энэ мэдлэгээ өмнөх Өвгөдийн мэдлэгтэй хослуулана гэдэг аугуу дэвшил. Та нар өөрт тань зааж буй өнөө цагийн өндөр боловсролтон алдарт багш нараас юугаараа давуу болох вэ? Дээд Тэнгэртэй, Далд ертөнцтэй харьцдагаараа давуу шал өөр болно. 

Өмнөх хүн тань Дэлхий амьтайг мэдэхгүй, мэдсэн мэрэгжил боловсролоо зөвхөн аргын талаар л төгс мэддэг болсон бол Та харин үүн дээрээ Дэлхий амьтайг мэддэг, Тэнгэр амьтайг мэдэх учир хооронд нь уялдуулан зохицуулах, шинэ гарц, эх дэлхийг хорлохгүйгээр хэрхэн боловсролоо ашиглахаа мэддэг бүүр ч илүү хүн болно шүү дээ.

Өөрт Тэнгэр, өвөг дээдсээс тань өгсөн боломжыг ойлгох хэрэгтэй. Танд хэрэгтэй ямар нэг юм ойлгуулах болоод л та тэнд явж байгаагаа ухаар.

... Хүлэг мориноосоо буун саатаж

Төр улсаа төвхнүүлэх бэрх  энэ үгийг та нарт л зориулан Хаан хэлсэн нь дамжиггүй. Иймээс одоо сурч буй эрдэм номоо хаях, хэрэггүй гэж бодох нь өрөөсгөл ойлголт юм. Бидний эцсийн зорилго бол ердөө Дэлхий ээжийг амарлуулах, Монгол түмнээ нэгтгэх, дэлхийн бусад хүмүүст бүх байгаль амьтайн учир шалтгаантайг ойлгуулах Гэгээрлийн ажил. 

Энэ гадаадад байгаа өндөр боловсрол эзэмшиж буй Монголчууд үүнийг хийх болно. Алив улсад хүлээн зөвшөөрөгдөхийн тулд дор хаяж л тэдний их сургуульд доктор профессор болсон бол энэ чинь юу болов, юу гэчив гэж харна уу гэхээс захын нэг Монгол хүн  юм хэлбэл ихэмсэг сэтгэхүйтэй тэд хайхарч харах ч үгүйг бас бодолцох ёстой. Одоо ч Монголчуудын дунд тийм сэтгэхүй байдаг биздээ. Хүний хүнийг хэлэлтгүй Монголчуудын дийлэнхи нь тэгж боддог. Бөө хүн л гэхээр боловсролгүй за бараг бичиг үсгийн чадваргүйтэнгүүд л Бөө болон мөнгө олох гэсэн арга гэж боддог нь үнэн биз дээ.

Тэгээд ч тийм хүн маш олноор Бөө болж ч байсан. Энд нэг юмыг анзаараарай. Хэдэн жилийн өмнө ийм хүмүүс их байсан бол одоо оюутангууд, дээд мэрэгжилтэнгүүд асар олноор Бөө болж байгаа. Зарим дээд боловсролтонгууд ичээд нуучихсан сэмхэн бөөлдөг. Тэд амиа бодон хоохойлохоо болимоор юм даа одоо цаг нь ирсээн. Нуугдаж нугдайхаа болин хийх ёстой Тэнгэрийн үйлээ ойлгон гар бие оролцон үгээ хэлэх л хэрэгтэй. 

Яах гээд Бөө олноор төрөөд байгаан учраа зөв ойлгон, хийх үйл зорилгоо ойлговол айж ичээд байх юм ер үгүй. Харин ч бахархалтай, гайхалтай Монгол удмын цог золбоогоо ойлгоорой.

Иймээс ОРОН ЗАЙНДАА ЭЗЭН ЭРХ ЭДЛЭХ гэдэг үгийг сайн ухааран бод. Жишээ нь та цагдаа байгаад БӨӨ болоход ердөө ч асуудалгүй. Харин ч зөв сайхан сэтгэлийг цагдаагийнхаа байгуулага, тэнд ирсэн гэмтнүүдийг гэгээрүүлэх, зөв замд оруулахад маш хэрэгтэй. Би гэмт хэрэг хийсэн хүмүүст очоод яадаг ийдэг, юунаас болов, яаж асуудлаас гарч зөв замаа олоход туслах хэцүү шүү дээ. Би цагдаа биш учраас хэн хаана ямар хэрэг тарив яачив мэдэх боломжгүй. Харин цагдаа Бөө бол маш олон Хар Сүнсэнд эзлэгдсэн хүнийг Хар Сүнсээс нь хөөж өгч, дахин алдахгүй болгож чадна.

Тэгвэл Эмч БӨӨ. Мөн сак байгаа биз дээ. Янзтай. Өвчин нь хаанаас юунаас үүдэлтэйг нь лам бөө руу явуулахгүй шууд аль аль талаараа эмчлэх маш ашигтай. Эмч Бөө хэд хэдэн хүнийг би мэднээ. Мөн анагаахын сургуульд олон Бөө оюутан бий. Маш давуу тал шүү. Тэр хүн зүгээр л өвчин туссан бол эмийг нь өгөөд тариаг нь хийгээд эдгээж болно. Хэрэв далдын өвчин тусан Хар Сүнсэд хорлогдсон бол түүнийг нь янзалчихна. Дээр би Насанцэнгэл докторын тухай бичиж байсан даа. Хэрэв тэр далд ертөнцийн мэдлэгтэй Удган хүн байсан бол  хэн нь үнэхээр галзуурсан найдваргүй, хэн нь хэлмэгдсэнийг мөн сайн мэднэ дээ.

Олон гэмгүй хүмүүс угтайгаа мэдэхгүй байснаас хий юм харах, сонслоо гэснээс болон галзуугийн больницод хүргэгдэн хэнд ч хэрэггүй болон сэглэгддэг. Би ч тийш очих гэж байсан шүү дээ. Ийм юмаа мэдэхгүй хүнийг ялган олон хүний амьдралыг аварч чадах юм шүү дээ. Шар хаданд мэрэгжлийн удган эмч мааааааш хэрэгтэйсэн. Ёстой буян гэдгийг хийх шиг болно.

За бүүр хэн ч бараг мэдэхгүй тусгай хэцүү мэрэгжлийн Эрчим хүчний салбарын Бөө байлаа гэж бодоё. Хаана хүн байна, хаана уул ус байна тэнд амьдрал байж л байгаа. Үгүй ядахдаа л догшин Хайрханд шонгийн мод зоохдоо аргадаад юм уу хаагуур нь зоох явуулахаа мэднэ шүү дээ. Мөн тэндхийн хүмүүстээ уул усны амь, болох болохгүй юмны талаар яриж өгч сургана гэх мэтээр бүх л юманд давуу тал бий.  Хүн хаана ямар мэрэгшил эзэмшсэн тэндээ Эзэн эрх эдлэн давамгайлж, хүний адаг болон айж нуулгүй харин Бөөгийн мэрэгшлээ зөв ойлгуулан тэр салбартаа  туслах ёстой юм. Бөө гэдэг үйл, үгийнхээ утгыг зөв ойлгон, зөв хийн, зөв мэрэгшин, зөв явбал үнэхээр гайхамшигтай ид шидтэй бахархмаар  гэдгээ ойлгоцооно уу!

Жишээ нь хойд Долгормаа маань удган болж буй хүн. Орчуулагч мэрэгшилтэй. Төрөлхи монгол хэлээ ч сайн эзэмшсэн энэ хүүхэд Монгол түмнийхээ гэгээрлийн үйлд өөрийн сурсан, мэдсэн, бодсон бүхнээ л хэлж чадна гэдэг гайхамшиг. Залуу энэ хүмүүс миний насанд ямар мундаг болохыг та нар төсөөлөөрэй. Ердөө наад тал нь 3 жил, цаад тал нь 10 жил дотор л БӨӨ гэдэг энэ гайхамшиг МЭРЭГШИЛ болно. Маш олон гадаад хэлтэй залуус бий. Тэд Бөөгийн тухай олон орныхонд таниулан суртчилах болно. хэхэхэ Орчуулагч БӨӨ сайхаааан сайхан. Би өөрөө блогчин Бөө юм уу хаашаа юм бэ Хаааааахахахаха элэг хөшлөө. Яанаа одоо.

Манай Монгол гайхамшигт Бөө нараас нөгөө хөгшин цайзуудынхаа Сүнсийг хөөлгөхөөр тэд гуйдаг болно шүү дээ. Хий үзэгдэлтэй Сүнстэй цайз нар маш олон бий. Тэндээ амьдарч чадахгүй олон гадаадууд байдаг. Тэд Монгол Бөөгийн тухай мэдвэл  Монголыг гуйх л болно. Гэвч нөхдүүд минь та нар үнэхээр хөөж чаддаг нь л хийхгүй бол хийж чаддаггүйнүүд нь хулхидах санаа агуулж очоод газар дээрээ Чад хийв дээ. Бөө гэдэг тоглоом биш шүү. Чадалтай сайн Бөө болохын тулд өдөр бүр байнга суралцаж байх ёстой. 

Хэлтэй, хөлтэй Бөө нар та бүхэн давуу талаа харцгаа. Өөрсдөдөө итгэлтэй байж, Бөө гэдгээ сайн талаас нь ойлгуулж Тэнгэрээс бэлэглэсэн чадвараа зөв үйлсэд олон түмний тусын тулд хэрэглэж сурцгаа. Түүнээсээ мөнгө биш кайп авч сурах хэрэгтэй. Арав таван төгрөгөөр үнэлж байснаас Баярлалаа гэх чин сэтгэлийн үг, халуун дулаан хайр, хүндэтгэлийг өөртөө өндөр Дээд Буурлууддаа чин сэтгэлээс нь хэлүүлж байвал буян хураана шүү дээ. Бөөг амьдрах хэрэгсэл биш буян хийх үйл болговол илүү үр дүнтэй. Иймээс та бүхэн Бөө боллоо гээд үндсэн амьдрах арга, сурсан мэрэгжилээ ХАЯХ биш улам сайн хийж сурсан нь дээрийг АНХААРУУЛАН гуйж байнаа. 

Үүнийг ойлгоогүйгээс мэрэгжил ажлаа хаян, сургуулиа орхисноос болон зөвхөн Бөөгөөр хоолоо олж идэн гэдсээ тэжээхээс өөр аргагүй болсноос болж сөрөг үзэгдэл ихсэн хоорондоо атаархан шид шидэлцэн, хүнээ булаалдан, Бөөг мөнгөтэй холисноос болон Бөөгийн нэр хүндийг газраас өндийхгүй болтол унагаж байна. Дээрээс нь нэрмээд хар Тийрэн Сүнсүүд Бөөг хорлон нэрийг нь сэвтүүлэх унагаахаар улайран байна. Мөн лам нар, гадны бүх шашнууд нухчин дарахаар улайрч байгааг УЛААС хэмээх зайран, удган та нар анхаарч нэр төрөө өөрсдийгөө цэвэрлэж явмаарсан.

Өргөө гэртээ алс холоос ирээд хамгийн ихэд Буурлуудын минь хилэнг хөдөлгөсөн нэгэн зүйл болов. Блог нээснээс хойш ганцаараа ганхан найгаж жон жон гэдэг байсан надад олон найз нөхөд нэгдэн нягтарч танил болон жаргал зовлонгоо хуваалцдаг болсон юм.

Гэтэл хүний тоо нэмэгдэх тусам миний цаг хүрэхгүй, хүн бүртэй харилцан байх боломж хомсдон мөн надаас тусламж гуйх, зөвлөгөө авах хүний тоонд дарагдсан билээ.

Иймээс надад тийрэнтээгүй, найдвартай, сайхан сэтгэлтэй, үнэнч удган зайран найз нөхөд юу юунаас илүү хэрэг болов. Мөн олон алтан ургийн үрс санамсаргүй явсаар холбогдон Бөө болох ёстойгоо мэдсэн билээ. Энэ бүхэнд хариуцлагатай хандах үүднээс би заавал өөрийн үйл болон  Буурлуудынхаа хэлсэн ярьсаныг давхар баталгаажуулан шалгуулахыг би хүссэн юм. Бөө гэдэг тоглоом биш. Дээрээс нь хүний амьдралын эмзэг сэдэв. Тэр хүн бас тэдний бүхэл бүтэн удмын асуудал давхар явах тул алс холоос би гээч мэдэмхийрэн донгосох нь учир дутагдалтай аюултай. Иймээс надад надтай гар нийлэх, сэтгэл нийлэх хань нөхөд маш их үгүйлэгдэнэ.

Гэвч надад хоёр сайхан сэтгэлт удган өөрсдөө туслахыг зөвшөөрсөн юм. Өргөөгөөр ирэх гарах хүмүүс надад хандсан хүмүүсийг давхар үзэж харах, зөвлөгөө өгөх, угтай хүнийг нь босгох гээд л ямар их ажил байгааг та бүхэн ойлгоорой! Хэн нь яг надад тийрэн наахгүй намайг зөв залаад өгөх бол, би өөрөө мэдэхгүй таны хэлсэн хүн дээр л очино гэх хүн тэрийгээд хэвтчихнэ шүү дээ. Нээрээ ч Монголын тэр олон бөөгийн алийг хэнийг гэх вэ? Би ч танихгүй.

Ингээд надад туслах удган маань 7 жил болсон надаас хамаагүй илүү туршлага мэдлэгтэй, сайхан сэтгэлтэй, хүний төлөө буян хийх л чин сэтгэлтэй хүн таарав. Гэтэл би чинь шинэков дөнгөж жил удка хийж байгаа амьтан шүү дээ. Надад сураагүй, мэдэхгүй түм буман зүйл бий Би гээч өөрөө л бантагнаж явж байгаад ухааран, унаж босон яаснаа хэлэн мэдсэнээ бусадтай хуваалцдаг хүн. Өндөр дээд Өвгөдийнхөө сургаалийн дагуу явах ч өөрийн дураараа жаажийдаг нэг гэмтэй хүн шүү дээ.

Жишээ нь: Сая Улуру тахихад хар халуунд явган удаан явахдаа зарим ус, сүүгээ хөнгөвчлөн орхиод л явав. Гэтэл эжий маань хатаж үхэнгээ алдсан байх жишээтэй. Туршлагатай мундаг удган бол бүгдийг тооцсон байх ёстой шүү дээ. Гэх мэтээр алдаа эндэгдэл гаргана шүү дээ. За тэгээд дараа нь л өө тэгдэг байж хахаха Яальдаг удган шүү гээд л баясан суралцавч ёсондоо бол удган хүн ямар ч хий гаргахгүй хариуцлагатай байх л ёстой байхгүй юу. Одоохондоо бол надад энэ бүхнийг хэн нэг зааж өгдөггүй, өөрөө л сурдагтаа аврагдаж өршөөгдөж байвч шинээр суралцагч бүхэн үүнийг уншсан бол мэдэж бодож байх ёстой юм.

Ингээд би олон жилийн туршлагатай сайн удгантай болон тэр маань надад туслахаар болон олон түмнийг хүлээн авсан ч нэгэн зайран түүнд атаархаж байгаа юм уу хаашаа юм өдөөд эхэлсэнд ихэд уур хүрэв. Яажийгаан одоо. Гэм хийгээгүй байтал хийх юмаа олж ядсан аятай.

Анхны удаад би тэр зайранг таньдаг учраас өргөөнийхөнийгөө явуулдаг байлаа. Гэвч угтай үгүйгээ шалгуулах гэсэн хүнийг олон удаа ирж байж л мэдэж ав гэснээс болоод хүмүүс дургүйцэв. Уг нь би тийрэнтээгүй сайн найдвартай зайран гээд л түүн рүү явуулсан юмсан.

Эсвэл намайг юу ч мэдэхгүй гээд басамжлаа юу? Амихандаа би бас давхар өөрийн юмаа найдвартай шалгуулж хүнийг хохироохгүйг бодон, их л чухал ажил хэрэгчээр хандаж, өөрийгөө бас давхар хянаж байгаа ухаантай байдаг. Тэрнээс миний өвгөдүүд тэднийг угтай байна. Тэдэнд хугацаагаар нь авахуул л гэж хэлсэн ч би холоос хүний удмын юмыг заавал олон хүнд үзүүлэх ёстой хэмээн зүтгэж байгаа юмдаг. Ер нь угтай гэдгээ олон бөөгөөр шалгуулах нь хамгийн зөв юм шүү дээ. Өөрийн удмын асуудалдаа заавал хариуцлагатай хандах хэрэгтэй.

Гэтэл зарим нь гэр нь хол юм байна та л хэлээд зохицуулчих гэх юм. Үгүй шүү, өөрийнхөө төлөө өөрсдөө явж, бас өөрөө учрыг нь олохыг би шаардахын дээдээр шаардах болно. Өөр бусад сайн бөөгөөр ч үзүүлэн нухацтай хандах хэрэгтэй. 

За тэгээд угтай хүмүүс яалт ч үгүй тодрон угаа авах болтол сайн багш олно гэдэг асуудал юм.

Ихэнхи дээд өвөг Буурлууд шавьтай болох буюу замчлах дургүй байдаг. Гэтэл зарим нь хэдэн 1000 шавьтай болоод гайхуулаад байдаг нь ямар их зөрөө учиртай байгааг анзаарна бизээ. Хадам Буурлууд гэхэд л цаг арай болоогүй, ёсоо сайн баринаа гээд замчлахгүй байх жишээтэй. Гэтэл зарим үнэхээр сайн бөө нар нь эгэл хүн даахын аргагүй өндөр өртөгтэй. Зарим нь хулхи гээд л бөөн асуудал. Монголоор дүүрэн л асуудлууд байнадаг.

Би өөрийн танил Бөө болгон руу тусламж гуйн шавь авах уу, туслаач, замчлаад өгөөч хэмээн хүмүүсийг явуулав. Тэд яг л дээрээс Тэнгэрээс тогтоосны дагуух л шавь нараа тоонд нь гүйцээгээд илүүг замчлахгүй гэв. Гэтэл босох ёстой хүн олон байв. Нэгэн зайранд их л итгэж байлаа. Гэвч түүнийг олон явуулаад байна мөн өгөө авааг нь дийлэхгүй нь гээд олон хүн хүсссэн ч шавь нь болох боломж дутсан байв. Энэ бол тэр хүний л хэрэг тул надад бодох юм байсангүй. Гэвч очихоо болиод өөр удган дээр босох болсныг нь мэдээд тэр араас нь нөгөө удган руу утасдан өөрийн өвөг дээдсийн нэрийг хэлээдэх гэж тавлаж шалгасан байх юм.

Мөн буруу зөвөөр нь дуудаж, удам судрыг нь хураана ч гэх шиг томорч бас өдөн хаялга хаяж ч заваа гаргажээ. Юу гэсэн үг вэ энэ чинь одоо. Хүний үйлд туслахгүй, мэддэг чаддагаараа боочихоод замаараа мөрөөрөө явах гэхээр замд нь тээг тавиж өдөж байгааг юу гэж ойлгох ёстой юм бэ? Хэн ч ямар ч мөнгө төгрөг өгөхгүй ашиглах гэсэн биш, ямар өгөө авааг нь өгөөд л өөр хоорондоо туслалцахаар  л гуйсан биз дээ. Тэгээд тохирохгүй бол ирсэн замаараа сурсан дуугаа дуулаад л буцаж байтал эмэгтэй гээд дээрэлхэх гээд байдаг нь ямар ухамсар вэ?

Удам судар хураадаг юм бол буруу яваад байгаа бөө нар замаар нэг л байнадаг тэднийг хураахад яадаг юм бэ? Тэнгэрийн үйлд туслах гээд зөв санаад зүтгэж байгаа нэгнээ хориг тавиад байдаг нь юу вэ? Ёстой өөрөө буяндаа бузар хийж, буруу санаалж,  өвөг дээдсээ гутаан байгаа бус уу? Буруу хэрэг хийх гээд байвал хэлээд өгч, туслаад өгөхгүй яахаараа бах таваа хангаад байгаа юм бэ? Бөөг өмчлөх гээд байгаа юм уу? өөр бусдын Онгод Тэнгэрүүдийг доорд доромж үзэээд байгаа юм уу? Өөрөө тангараг өргөсөн Бөө хүн байж яахаараа Тэнгэрийн үйлийг саатуулахаар хичээгээд байгаа юм бэ? Мэдэхийн дээдээр мэдэж байгаа учраас санаатайгаар хийж буй учраас Миний эсрэг, миний ажлыг нураахаар, Хааны эсрэг л тэмцэж эхлэж байна гэж ойлгох болж байна даа. Яагаад зөв бодолтой олон хүн угаа авч, удам судраа сэргээж Тэнгэрийн үйл, Гэгээрлийн үйлд оролцож болохгүй гэж.

Миний ажилд буруу юм юу байна? Би нэг ч буруу худлаа юм яриагүй. Монголч хүн, Бөөгийн нэр төрийг сэргээх, Монгол улс нэгдэн мандан бадрах тухай, Монголчууд өөрсдөө эрчимээ зөв авч өөрсдөө хөл дээрээ босох, өвөг дээдсээ хүндлэх, Өөрийн удмаа зөв залах, ухаанаа тэлэх, дэлхийд Монгол нэрээ дахин гаргах тухай л суртчилдаг хүн.

Би өөрийн алдаа оноогоо ил л тайлагнадаг. Удган болсон жаргал зовлонгоо нууж хаалгүй бичиж тэмдэглэн, эгэл жирийн хүн Бөө гэж ямар хувь тавилантай хүн бэ? юу боддог мөрөөддөг эгэл хүнээс юугаараа өөр, юугаараа ижлийг гаргаж ойлгуулахыг л хичээж блог бичдэг хүн. Чадах юмаараа чадлынхаа хирээр л хүнд хэлж туслан яваагаас өөр гэмгүй байтал өөр бусдад туслах ажилд нь заналхийлж, Бөөгийн эрдэм чадлаараа илүүрхэж дайрч давшлах гээд байна уу үгүй юу? Мэддэг юм дутуу байлаа ч мэдэж авч болдог л юм шүү дээ. Сураагүй чадахгүй байлаа ч сурч авч бас болж л таараа. Бидний үйлсийг Газарт шүүхгүй Тэнгэрт шүүнэ. Энэ газарт би ялагдан үхлээ ч Тэнгэрт очоод хүлээж байхаа мэдэлгүй дээ. Аль хаалган дээр юу бариад отож байхаа мэдэхтэйгээ. 

Хэнд хов өргөөд, хэний хормой доогуур шургаж ороод уйлаад сууж байхаа ойлгохтойгоо болсон шүү харин ч нэг. Би удганы ур чадвар чадал чансаанаас оогт ичиж зовдоггүй юм. Учир нь би шинэ удган. Надад мэдэхгүй юм зөндөө бий. Хэлж заасан хүн, уншсан ном байхгүй юм чинь яадын. Иймээс миний өвөг Дээдүүд өршөөхийн дээдээр өршөөж, хайрлахын дээдээр хайрладаг. Харин би тэднийгээ худалдаж зарж идэж чадахгүй. Үхэн үхтэлээ л өмгөөлж хайрласаар, харамласаар үхэх болно. Дэмий балай юманд ер ашиглаж, дайн дэгдээхгүй. Энэ замбатив дээр би аймаар аймаар шидтэй алдартай Бөө нарт алуулаад үхлээ ч над харамсах ичих юм еееер үгүйдэг. Би шидээр үзэлцэх гэж бөө болоогүй. Гайхуулах гэж бөө болоогүй. Хийх юмаа л хийнэ, хийхгүй юмаа хийхгүй. 

Харин үхээд нөгөө ертөнцөд очихдоо ёстой нэг шогтож өгнө дөө хэхэхэ. Увааааааааааааааааааа гээд л амаа ангайн чарлаж орилоод л тээр намайг ингээд шигээд харваад алсан Увваааа ииииииииии йййййй гээд л чарлаад унаад түргэний тэргээр очоод л сайхан. Тэээээл гэдэг хүн намайг ингэсииййййнн гээд л сайхан ховлоод хатгаад л аав ээж нартаа эрхлээд л  уйлж байгаад л эргээд түүнийг авлах эрхээ өөрөө өөртөө авах болно доо. Үхчихсэн юм чинь яахын хахаха дахиад үхэх биш. Бас дээрээс нь бүүр ч Сак дээдийн Дээд цэргүүд, Доод Эрлэгийн гээд бүх л зэвүүн гаруудтай нийлээд л  зугаатай дайныг жинхэнээсээ хийнэ дээ гэж бодох учир санаа зовох юм еееер алга. Ганц над руу бус миний найз нөхөд, надад туслах сайхан сэтгэлтэнгүүд рүү дайрах л ёстой дургүй хүргэж байнадаг.

Гэвч Хаан маань үүнийг надаас түрүүн тооцоолсон байж ч мэднэ. Учир явахаас өмнө тэр удганд онцгой эрх өгч Тэнгэрт зэрэг дэв нэмэн Дээд Буурлуудыг нь дэмжиж байгаагаа хэлэн алтан ургийн ухаан муутай ноёдуудыг номхруулах эрхийг нь өгсөн юм даа. Хичнээн тийм байлаа ч эзгүй хойгуур минь өргөөний минь удган руу халдсанд их л уур унтуу хүрлээ. Бөө нар нэгдэх хэрэгтэй. Ухаантай улаач нар нэгдэн өвгөдийн хүчийг шинэ эринд Монголынхоо төлөө, Дэлхий ээжийнхээ төлөө нэгтгэхийг уриалж байна!!!